Category Archives: Efemérides

Día Mundial do Refuxiado

Hoxe, 20 de xuño, celébrase o Día Mundial do Refuxiado, e esta semana, na Biblioteca Municipal Forum Metropolitano e na Biblioteca Municipal Sagrada Familia temos un Stand informativo e de sensibilización da ONG ACCEM, para que os visitantes poidan dispor de parte do material co que conta e coñezades as actividades que promove.

Mostra Refuxiados Forum

No Día Mundial do Refuxiado, Accem quere pór de relevo unha situación preocupante que é a imposibilidade de acceder á protección que dá o estatuto de refuxiado para miles de persoas. Imposibilítao o mero feito de non poder chegar ao territorio español e europeo. Os fluxos de persoas que tratan de chegar ao noso territorio son mixtos, formados por inmigrantes e refuxiados, polo que as accións de rexeitamento e as devolucións en fronteira impiden non só acceder a Europa senón a unha protección internacional á que teñen dereito.

Os conflitos armados son neste momento a primeira causa de desprazamento forzoso no mundo. Conflitos como os abertos en Siria, Mali, Somalia, Afganistán, Sudán, Iraq ou a R.D. Congo xeran a maior parte dos máis de 45 millóns de persoas refuxiadas no mundo. 4.485 desas persoas solicitaron protección internacional en España en 2013 o que constitúe unicamente o 1% das rexistradas en Europa (434.160 solicitudes).

Ás dificultades de acceso únense as dos procedementos. Reflexo diso é que só a 205 destas persoas recoñecéuselles o dereito ao estatuto do refuxiado en España e a 325 o estatuto de protección subsidiaria. Isto supón que ao 22,61% recoñecéuselles o dereito a protección internacional. Un incremento respecto ao ano anterior pero non suficiente.

Nas Bibliotecas Municipais da Coruña #recomendamosbmc unha selección sobre a temática do Refuxiado.

O pase de diapositivas require JavaScript.

 

 

29 de abril, o día das verbas que danzan

 

Verbas Que Danzan

 

Nas Bibliotecas Municipais da Coruña quixemos neste 2014 unirnos á celebración do Día Internacional da Danza a través de dúas actividades vinculadas á Biblioteca Ágora: a proxección do video Verbas que Danzan e a elaboración e difusión dunha mostra homónima, pensada para público adulto e que recolle materiais diversos arredor das artes do movemento corporal.

Canto ao video, no blog Suma Ágora fomos ofrecendo nos pasados meses información detallada do seu proceso de creación, que rematou coa presentación pública do mesmo nunha das seccións do festival Por amor al arte, en febreiro deste mesmo ano. Na súa realización, a cargo das compañeiras Clara Porta, Eva Vieites, Nelson R. Avilez, Natalia López Ponlla e Xavier Campos, contouse coa colaboración da bailarina profesional Carla López Ponlla, coruñesa afincada en Estados Unidos por estar vinculada ao Tulsa Ballet.

Pola súa banda, a mostra Verbas que danzan está a disposición das e dos usuarios do 14 de abril ao 14 de maio,  e confórmase con discos, filmes, documentais, novelas e libros de ensaio relacionados de maneira directa ou indirecta coa danza e o baile. Cisne negro, Pina Bausch, Billy Elliot, Sempre quixen bailar un tango, Cascanueces, … son algúns dos materiais que as persoas interesadas poden atopar na mesma.

Verbas que Danzan 2014 (1) Expo (5) Expo (4) Expo (8)

Deixámosvos co texto creado para o audiovisual, ao tempo que vos convidamos a achegarvos e descubrir máis sobre o mundo da danza a través desta sinxela pero bonita actividade da Biblioteca Municipal Ágora.

 

rozar a textura, o tacto, a calidade das palabras. pousar nas mans, a túa man na miña, e sentir a vida, poder apalpar cada latexo. márcase o que somos no lombo da tarde, cómbase por riba dos teus sorrisos, nos corpos a danzaren sobre as horas. todo é violento e todo brilla, leo. todo está ferido e todo nos salva.

gústame sentirte do meu lado, por onde medran os soños e a escrita avanza cara o ventre do silencio. gústame dicirte, vivirte, espirte de camisa negra e ollos vermellos, aloumiñarte de neno e amante e pobo e alicia e drama e viaxe e noite e misterio.gústame verte bailar,
gústame ver o movemento con que escribes a vida que nos invade, con que trazas a emoción no aire que respiro.

es aquilo que preciso a cada intre, omnímoda, abrangues todo canto eu son quen de vivir e de agardar. paséote porque habitas mundos,
mudas en príncipe do reino dos doces, en nena que rebenta os lindes do posíbel, en Sherazade que me salvas das rutinas e dos medos, en cidade de músicas diversas na lembranza, en bairro de mariñeiros e agra aberta á multitude. bebo os teus velenos e morro e somos para sempre ou esperto e non estás. 

a escrita do teu corpo na miña terra, o que debuxas de mans abertas no tempo desta praza das palabras. é preciso, hoxe, poñer palabras ao que se rompe, falar desde a fenda, medir a fractura e as consecuencias, o seu centro e a súa expansión. é precisa a alegría, a cultura, o alento por soñar e danzar a esperanza da vida.xunt@s os libros arden mal, as letras infectan de futuro canto hoxe nos rouban os homes grises.  

gústame verte bailar, mirarte na contorna do poema que me dictas, ofrecerche os meus pés para que subas e camiñemos. gústame tocar a túa boca e rachar os reloxos, desaprender para admirarme contigo, amarte contra toda esperanza, mergullarme nas palabras que me gardas e me dás, que me ofreces xenerosa e libre e luz.

vémonos, a diario, na praza das palabras, entre as verbas que danzan, nos espazos do común, teus e meus e de tod@s, onde a vida abre as portas e as palabras se acompasan ao ritmo dos teus latexos.

Mulleres coraxes: #readwomen2014, Ano das Mulleres Lectoras

Dentro da programación especial que as Bibliotecas Municipais de A Coruña dedicamos este ano o Día Internacional  da Muller, queremos destacar esta iniciativa que sitúa o 2014 como o Ano das Mulleres Lectoras #readwomen2014, que trata de animar ós lectores e lectoras a coñecer e achegarse á literatura feita por mulleres, mulleres coraxe.

Esta iniciativa xurde no mundo anglosaxón cando a escritora e ilustradora Joanna Walsh adoptou a tradición francesa de enviar cartas para felicitar o ano novo en forma de marcapáxinas, incluíndo no seu reverso nomes de escritoras. Un simple regalo para os lectores do seu blog e que posteriormente trasladou a Twitter, publicando unha lista con 250 referencias de escritoras que ler co eslogan 2014 o Ano das Mulleres Lectoras.

A esta campaña sumáronse outras para reindivicar a figura da muller na literatura, orixinándose un auténtico movemento.Os editores de grandes publicación, con grandes tiradas, adquiron o seu compromiso de implicación xa que como eles mismo indicaron ” nada cambiará si a xente non actúa dentro do entorno do que ten certo control“.  Por esta razón o editor da revista The Critial Flame afirmou que o 2014 adicaríanllo a escritoras.

#readwomen2014

Joanna Walsh esta escritora e ilustradora chámalle a atención sobre as prácticas lectoras sexistas no mundo algosaxón. Walsh non inventou nada, baseouse a súa información no censo anual da organización Vida: Women in Litery Arts que comproba que nos principais suplementos e revistas o número de mulleres reseñistas e salientadas é inferior  ao da presenza masculina

Pero sen lugar a dúbida, foi ó traslado de esta iniciativa o que fixo que a súa repercusión alcanzase miles, e millóns de seguidores.Existe unha conta oficial de Twitter e un hashtag para facer referencias ó Ano das Mulleres Lectoras.

Twitter: @ReadWomen214                                     Hashtag: #readwomen2014

Joanna Walsh @badaude

joannas walshA está escritora e ilustradora adoptou o como seudónimo  Badaude,  tomado dunha antigua palabra francesa que ten relación con Flameur: “unha persoa que observa toda con relantí, asomo ou sorpresa”. Badaude quería contar historias a través do deuxco, un reto interesante, o de representar o espacio no tempo nunha soa páxina.

Nos hoxe sumámonos a campaña do Ano das Mulleres Lectoras co #readwomen2104 presentánfovos a Joanna Walsh

Os seus libros

London Walks
Foi o seu primero libro. Son ensaios visuales sobre a cidade de Londres. Publicouse en 2011 pola Tate e os seus exemplares agotáronse en menos de nove meses e foi reimpreso en dúas ocasións. Londo Walks!  é unha guía turísitica a través de 21 paseos, 3 rutas de autobús e un viaxe en barco.

Fratals: cuentos

Fratals é un  modelo no que os patróns da estructura xeneral se replican a nivel individual. É unha imaxen útil a ter encontra ó leer historias impresionistas ver la alienación y el descontento da vida moderna exprésase a tarvés das experiencias dos individuos aislados.

Ruptura de la relación entre las perosonas y los objetos , personas y lugares, aspiraciones y realidad

Se queres saber máis da vida e dos traballos literarios visita o  blog de Joanna Walsh  que leva por nome o seu seudónimo, Badaude.

Sumádevos a iniciativa do Ano das Mulleres Lectoras recomendando obras de escritoras en Twitter co  hashtag  #readwomen2014.

Nas Bibliotecas Municipais contamos con Wiki destinado ás Mulleres Coraxe  no que lembramos a esas pioneiras que, pese a todo, lograron acadar un éxito tras outro ao mesmo nivel que os homes e, en ocasións, maior. Falamos de escritoras, científicas e investigadoras, nais, cantantes, actrices, irmás, políticas, mestras, esposas…

mullers corazxe

Se queredes coñecere levar en préstamo as obras das nosas Mulleres Coraxe podedes consultar no Catálogo das Bibliotecas Municipais a dispoñibilidade dos materiais

 

Os clubs de lectura e a diversidade

Son moitas as persoas que participan nos clubs de lectura das Bibliotecas Municipais, moitas e con moi diversos intereses. E precisamente por esa diversidade, a experiencia resulta enriquecedora e satisfactoria. Intercambio de opinións, vivencias, puntos de vista en torno ás vidas ficticias de personaxes que salen do papel e viven fora da ficción, e que no fondo son reflexos ficcionais de personaxes que, en maior ou menor medida, crúzanse nas nosas vidas no día a día.

 F4-CVRKitchen

E a diversidade é tamén o motivo deste post. Celebrar a diversidade afectivo-sexual por medio dunha convocatoria especial para as persoas que participan nos clubs de lectura das Bibliotecas Municipais da Coruña e con motivo das actividades relacionadas co día 28 de Xuño, a celebración do día do orgullo LGTBQ no que se conmemoran as revolta de Stonewall no 1969 en Nova York e que se convertiu en data clave da loita pola visibilidade das sexualidades diversas.

Dende as Bibliotecas Municipais queremos invitarvos a participar dunha sesión especial do Club de lectura no que saborearemos a narrativa de Banana Yoshimoto co libro Kitchen e a súa contrucción de personaxes diversos, historias cotiás e trasfondo universal. Así que se xa participas dalgún dos clubs de lectura das Bibliotecas Municipais e queres aproveitar a coñecer ao resto de participantes doutras biblitecas, esperámoste o martes 2 de Xullo ás 19h. na Bibioteca de Ágora para facer unha posta en común arredor da obra desta xaponesa.

Podes apuntarte chamando ao 981189886. As plazas son limitadas!

22 anos compartindo lecturas na Biblioteca Infantil e Xuvenil

Na Biblioteca Infantil e Xuvenil este ano cumprimos 22 anos compartindo e gozando da literatura infantil e xuvenil.

Para celebralo fixemos unha mostra cunha selección de fondos bibliográficos distinguindo catro categorías:

  • Orixes: facendo un pequeno repaso dos libros máis antigos que temos no depósito de conservación.
  • Imprescindibles: aqueles libros que nós (as bibliotecarias) consideramos como xoias; xa sexan álbumes, libros infantís, contos…
  • Tesouros: neste seleccionamos os libros que temos adicados polos seus autores, libros que están na lista de honra do IBBY, libros que foron premios white ravens e libros de autores galegos.
  • En Femenino: pequeno apartado onde recopilamos diferentes versións dos libros protagonizados por Cincentas, Carapuchiñas e Alicias

Aquí tedes a guía de lectura con todos os libros que foron seleccionados.

O pase de diapositivas require JavaScript.

Cantares Gallegos, 150 anos , homenaxe na Coruña

Rosalia de CastroSe algunha obra ten carácter mítico e fundacional na recuperación literaria da nosa lingua e cultura esa é Cantares Gallegos, coa que dá comezo o chamado Rexurdimento cultural de Galicia e coa que Rosalía de Castro se erixiu naquel momento, e xa para sempre, en figura central da nación dos galegos e galegas. Mañá, 17 de maio, cúmprense 150 anos da súa publicación, ou máis ben da data na que a súa autora asina a dedicatoria do libro á escritora andaluza Fernán Caballero, seudónimo de Cecilia Böhl de Faber.

Reducida durante anos a figura prototípica da Galicia sumisa, queixosa e melancólica –con intencións nada inocentes-, estudosos da súa obra como Francisco Rodríguez (Rosalía de Castro. Estranxeira na súa patria) teñen conseguido por fin que hoxe sexa sentida e divulgada a súa obra como propia dunha autora complexa, moderna e claramente progresista, situada ao carón do pobo desde unha posición cívica e social que non admite dúbidas canto á defensa das mulleres, a denuncia da emigración ou a propia percepción e difusión da identidade nacional de Galicia.

Do éxito do libro dan conta o convite que a autora recibiu para participar nos Jocs Florals de Barcelona ou a celebración que do mesmo fixeron poetas portugueses da talla de Antero de Quental ou Teófilo Braga, mais especialmente o feito de ter sido recoñecido unanimente como alicerce simbólico da recuperación cultural e identitaria do país.

Exemplar dunha primeira edición de Cantares Gallegos, dispoñibel na Biblioteca de Estudos Locais, conservado coa sua encadernación orixinal.

Con motivo da celebración dos 150 anos de Cantares Gallegos a cidade da Coruña, a única na que o seu principal teatro leva o nome de Rosalía, celebra unha homenaxe cívica á autora, homenaxe que á súa vez conmemora o que a cidade xa tributara a Manuel Murguía, o seu marido, en 1913, con motivo do seu 80 aniversario. A homenaxe terá lugar en dous actos:

  • Este xoves 16 de maio ás 20 horas preséntanse en Portas Ártabras (rúa Sinagoga, 22 A Coruña) dúas novas edicións de Cantares Gallegos, a cargo de Pepe Barro e de Anxo Angueira, respectivamente.  A fermosa edición de Pepe Barro destaca pola calidade creativa da súa parte gráfica e visual, e está a cargo de El Patito Editorial. A de Anxo Angueira -ademais de erudito, gran rapsoda dos versos de Rosalía- pola lectura anovada e crítica que ofrece da obra rosaliana.
  • O domingo 19 ás 19 horas no Teatro Rosalia un concerto – recital levará a poesía rosaliana ao público a través da música e das voces de diferentes artistas de noso.

Ficamos convidados, todos e todas, a celebrarmos nunha data central do noso calendario cultural unha efeméride que marcou para ben a nosa historia como pobo: desde a literatura e desde Nós, a defensa da xustiza, da igualdade e da fraternidade, na voz universal de Rosalía.

Día Internacional do Libro Infantil e Xuvenil

Como todos os anos por esta data celébrase a nivel mundial o Día Internacional do Libro Infantil e Xuvenil, coincidindo co día de nacemento do famoso escritor danés Hans Christian Andersen.

Promovida polo International Board on Books for Young People (IBBY), a celebración desta data ten como obxectivo fomentar a lectura entre os máis pequenos e poñer de manifesto a importancia da literatura infantil e xuvenil na consecución do mesmo. Cada ano, un dos países membros do IBBY é o encargado da edición do cartel representativo e de crear unha mensaxe dirixida a todos os rapaces e rapazas do mundo. Neste caso, a sección norteamericana é  a responsable do póster deste ano e o diseño corre a cargo de Ashley Bryan:

Poster_DLI_2013

Pola súa banda, a fermosa mensaxe que se lanza a nenos e nenas foi elaborada pola autora mexicana Pat Mora e traducida ao galego por Concha Blanco:

Lemos xuntos, ti e eu.
Vemos que as letras forman palabras
e as palabras convértense en libros
que estreitamos nas nosas mans.
Oímos murmurios
e ríos buliciosos nas súas páxinas,
osos que cantan
graciosas melodías á lúa.
Entramos en misteriosos castelos
e das nosas mans soben ata as nubes
árbores florecidas. Vemos nenas valentes que voan
e nenos que atrapan as estrelas.
Lemos xuntos. Ti e eu, dando voltas e voltas,
percorrendo o mundo coa alegría nos libros.

Dende as Bibliotecas Municipais de A Coruña únimonos a esta celebración tan especial coas seguintes actividades:

  • Exposicións de libros infantís nas seguintes bibliotecas: Castrillón, Infantil e Xuvenil, Fórum, Monte Alto, Rosales e Ágora. Selección de novidades, libros premiados e tesouros imprescindibles que fascinarán tanto a maiores como pequenos.
  • Na Biblioteca de Rosales, ademais da mostra de libros infantís, haberá unha exposición complementaria para descubrir por que se celebra este día o 2 de abril e coñecer máis e mellor a Hans Christian Andersen.
  • Na Biblioteca de Castrillón: contacontos para nenos e nenas de 3 a 5 anos ás 17.30 h.

Podedes ver, ademáis as fotiños que imos sacando das mostras no noso Flickr.

Non esquezades que as mellores viaxes se fan, dende ben pequeniños, a través da lectura. ¡Agardámosvos!

Falemos das nosas escritoras e das nosas bibliotecarias: lecturas compartidas polo Dia da Muller

No Día Internacional da Muller as Bibliotecas Municipais da Coruña colaboramos coa Casa-Museo Emilia Pardo Bazán no acto que terá lugar hoxe ás 11 da mañá “Falemos das nosas escritoras. Lectura compartida” e no que estades todos convidados.

Lecturas compartidas no Dia Internacional da Muller na Casa Museo Emilia Pardo Bazan

Lecturas compartidas no Dia Internacional da Muller na Casa Museo Emilia Pardo Bazan

A finalidade da actividade é tecer un fío condutor entre autoras, mulleres ligadas ao eido cultural-ecucativo-científico e mulleres que participan nos clubs de lectura da Coruña.

Por iso o noso particular homenaxe ás mulleres, as bibliotecas, as bibliotecarias e as lectoras, e tomamos a palabra a John Steinbeck que dicía que:

 “Polo groso da capa de po que cubre o lomo dos libros dunha biblioteca pública pódese medirse a cultura dun pobo”

Tamén a nosa admirada Virginia Wolf decía que:

A lectura dos libros parece curiosamente operar os nosos sentidos en cataratas; despois de lelos vemos con máis intensidade; o mundo aparenta que foi despexado do velo que o cubría e cobrou unha vida maís intensa”

O feito de pensar en que a lectura dende unha perspectiva de xénero é un fenómeno relativamente novo, aínda que desenvolto sobre un principio clásico: As mulleres lían menos que os homes debido a razóns sociolóxicas diversas e o que lían eran libros relixioso ou de cabalerías. Sen embargo, dende os testimonios iconográficos nace a sospeita de que: as prácticas lectoras das mulleres poderían ser máis ricas do que atestigan os cómputos das bibliotecas e dos destimonios dos escritores da época

Mulleres lendo na Biblioteca Everett

Mulleres lendo na Biblioteca Everett

Un exemplo claro témonolo no “Quixote” onde aparecen continuamente mulleres que saben leer e escribir: Dorotea, Zoraida, Marcela, La Duquesa etc e mulleres que len e sobre todo literatura de ficción, como indica o feito de que ninguna muller cervantina se mostre interesada pola lectura dos libros relixiosos.

Platexamos unha cuestión onde estaban as mulleres que non adoptaban unha actitude sumisa, resignadora senón que eran mulleres verdadeiramente libres? A respota é “Lendo ou escribindo”

A herdanza desde mulleres con inquietudes, loitadoras, con coraxe e verdadeiramente libres témolas hoxe aquí, todas vos, as nosas bibliotecarias, as nosas lectoras representadas nos nosos clubes de lectura.

E desa cultura do pobo, a do noso pobo á que facía referencia Steinbeck fíxose gracias a persoas coma vos, compañeiras a gracias as miles de mulleres que diariamente veñen as nosas bibliotecas y que están excelentemente representadas hoxe equí.

A lectura é un almácigo de ideas, e ideais políticos, sociais, económicos e relixiosos…. Moitas das veces, as ideas contidas nos libros son un desafío para o orden establecido; por iso as lectoras de tódolos tempos valéronse dos libros para loitar contra a inxustiza, o abuso do poder, o despeito de castigos tremebundos e bibliotecas reducidas a cenizas

No caso da nosa profesión, a de bibliotecaria resulta ser un oficio fortemente feminizado e deste xeito a muller contribuiu a conservar, administrar e ordenalas e traballar con e para as persoas que as usan, ben acudindo á propia biblioteca ou entrando en contacto coa bibliotecaria.

A nosa profesión considerouse como un dos poucos reductos nos que a muller podía traballar fora do casa, e non se equivocan quenes pensan, xa que aínda hoxe non hai máis que entrar nunha biblioteca o nunha facultad de Biblioteconomía para confirmarse este feito, a presenxa femenina e mayoritaria

Sen embargo, só hai que voltar a vista un pouco atrás, para darmos conta de que esta situación dase dende fai menos de 100 anos e por tanto incluso para acceder ás profesións “fememinas” tívose que percorrer un longo camiño. Foi no século XIX cando se feminizou a profesión bibliotecaria coa democratización da lectura pública. Se ben é certo que anteiormente ó século XIX a figura do persoal de bibliotecas era un bibliotecario erudito e primaban as bibliotecas privadas en detrimento das públicas

En 1761 foi cando se redactan as “Constitucións da Real Biblioteca dispostas por Don Juan de Santander, su bibliotecario Mayor”, as mulleres no só podía traballar en ela, cousa normal nesa época, senón que nin sequera podía consultar os seus fondos.

Non será ata 1913 cando ingrese a primeira muller no Corpo Facultativo de Arquiveiros, Bibliotecarios e Arqueólogos. Ángela García Rives estará na Biblioteca Jovellanos de Xijón, sendo destinada á BN ó ano seguinte. Tiveron que pasar 77 anos para que unha muller chegara a dirixir a institución, fue Alicia Girón García, directora de la BN entre 1990-91.

A primeira escola de bibliotecarios creouse en Estados Unidos e era de bibliotecarias, dirixida a mulleres. En España en 1915 Eugenio de Ors creou a primeira Escola de Bibliotecarias de Barcelona.

Escola de Bibliotecarias de Barcelona

Escola de Bibliotecarias de Barcelona

E todos estos cánones de muller loitadora, verdadeiramente libre, escritora, lectora están representados por Dona Emilia Pardo Bazán, quen era consciente da desigualdade posición do home e da muller incluso dentro do matrimonio, feito que influeu na rutura do seu propio. E ela mesma reflexiona:

¿Sería pensable que unha muller prohibira o seu home exercer a sua profsión e que este obedecera?

A resposta encontrouna no seu propio entorno, non ten nada máis que repasar a serie de libros de lectura destinado a educación das nenas, todos propoñían un modelo de muller sumisa e obediente. Este modelo será o que ela mesma ofrezca no desenlace do seu conto “La dama joven”, posiblemente para axustarse ós usos sociais e non levanta máis polémica que xa houbera con La cuestión palpitante”.

La dama joven de Emilia pardo Bazan

La dama joven de Emilia pardo Bazan

Ahora ben, donda Emilia interiorizará a súa propia experencia, vivirá as consecuencias que lle aportaron, observará as desigualdadedes, que non por ley ou por ortodoxia relixiosa senón pola forza da costume imperarán na sociedade e que se propondrá denuncialas coa súa pluma.

Día Internacional das mulleres

Dende Virginia Woolf a Erika Lust pasaron moitos anos, moitas letras, moitas follas cheas de palabras e temáticas diversas cun denominador común: ter que enfrentarse a un mundo masculino, masculinista e dominado pola ideoloxía patriarcal tradicional. Loitar contra cánones, loitar contra a discriminación sufrida personalmente como as segundas, as relegadas á sombra dos homes, na sombra perpetua de quen é dominada por unha historia que sempre foi escrita polo poder do que Beatriz Preciado, filósofa, chama bio-home.

Pero non só escritoras senón tamén as noas avoas, as pintoras, as científicas, as nosas tías, as activistas, as revolucionarias, as migrantes, as nosas nais, as nosas amigas, nós independentemente do noso xénero… Como parte da colectividade social, celebramos a historia deste 8 de Marzo como día simbólico no que denunciar o que sucede durante o resto do ano, a historia dunha subordinación sin sentido contra a que loitar día a día, 365 días ao ano, e non só este día conmemorativo das moitas figuras que alzaron a voz ao longo da historia.

Por todo eso, a nosa invitación a achergarvos ás Bibliotecas Municipais da Coruña, coñecer o traballo de escritoras clásicas como a nosa Rosalía de Castro, as vidas de poetas activistas como Audrey Lorde ou de filósofas contemporáneas que loitan contra a dominación que o ser humán exerce sobre a nai Terra, como é o caso de Vandana Shiva falando do ecofeminismo. Queremos facer visible o invisible da discriminación para así rodeala, saltala e deixala fora e lonxe das nosas vidas.

A loita das mulleres é a loita de todas as persoas, e que mellor que conseguir abrir a mente gracias a abrir un libro…Vide, compartide, disfrutade, e sobretodo, celebrade con nós este novo día contra as desigualdades.Image

Muere Stéphane Hessel, impulsor del 15M

Stéphane Hessel, el autor del best seller ‘¡Indignaos!’ falleció ayer a los 95 años. Este antiguo diplomático y defensor de los Derechos Humanos, que llegó a vender más de cuatro millones de copias en más de 100 países,  fue quién inspiró en España el movimento ciudadano do15-M,

el-grito-de-guerra-de-stephane-hessel-llega-a-espana.thumbnailNacido en Berlín en 1917, Hessel se convirtió en ciudadano francés en 1937 después de que sus padres huyeran de la amenaza nazi y se instalaran en París. Durante la Segunda Guerra Mundial se enroló en la Resistencia, fue condenado a muerte y capturado por la Gestapo y deportado a los campos de concentración nazis de Buchenwald y Dora-Mittelbau.

Tras la guerra inició una carrera en la diplomacia y colaboró en la redacción de la Declaración Universal de los Derechos Humanos en 1948. Hombre de izquierdas y europeísta convencido, era famoso por sus ideas progresistas. Su libro ¡Indignaos!se convirtió en una suerte de guía para el movimiento español de los indignados nacido de las manifestaciones del 15-M en 2011.

Al principio, sus razones para la indignación eran, sobre todo, la creciente desigualdad entre los ricos y los pobres, la forma en que Francia trataba a los inmigrantes y los ataques contra el medioambiente. El propio autor reconocía en una entrevista publicada por El País en mayo de 2011 que no esperaba que su librito de apenas 32 páginas tuviera tal repercusión en el extranjero.

En nuestras bibliotecas podéis encontrar los pequeños libros de grandes obras de este agitador de conciencias:

indignaos

  • ¡Comprometeos! : ya no basta con indignarse : conversaciones con Gilles Vanderpooten: A través de una larga conversación con Gilles Vanderpooten, desde los casi setenta años que los separan, Hessel se propone dar a los más jóvenes que él, además de motivos de indignación, medios para la acción.Comprometeos
  • Mi baile con el siglo : memorias : las memorias de un héroe de la paz y de la Resistencia.

Mi baile del fin de siglo

  • El camino de la esperanza: donde pregona «una política del desear vivir y del revivir que nos arranque de una apatía y una resignación mortales»

El camino de la esperanza

  • Reacciona / José Luis Sampedro … [ et al.]; prólogo de Stéphane Hessel: obra coral de entre otros, José Luis Sampedro que trata de clarificar y encauzar la pesadumbre de un sector creciente de la sociedad española con la crisis económica, política y social que estamos viviendo, con la crisis del sistema.

Reacciona de Jose Luis Sampedro

Así recogen los principales periódicos de nuestro pais la noticia, donde podeis encontrar más información sobre la vida de este indignado que revolucionó nuestra época:

Tanto si lo habeis visto, como si no, os recomendamos el reportaje que Informe Semanal emitió hace unos meses de la vida, obra y repercusión de Hessel: