Author Archives: manadaprimitiva

#CLXQ+: Presentes imperfectos e corazóns de futuro.

O #CLXQ+ é informe, en realidade informe e informal, en realidade nin queremos nin nos interesa ter forma nin formalidade –entendida no sentido máis tradicional da palabra, claro- . Gostamos de ler, como tódolos clubs, gostamos de compartir opinións, como calquera club, gostamos de falar e preguntarnos polos nosos propios intereses, como calquera club… mais non gostamos de ter que facelo coma sempre, ou máis ben como é habitual, gostamos de tirarnos no chan a ler en voz alta as nosas partes favoritas, e representar sin demasiado orde cada un dos párrafos que máis nos dixo de cada libro.

O #CLXQ+ embarcouse na lectura de O Corazón de Xúpiter (Costas, Ledicia. Xerais, 2011) hai un par de semanas e gostou bePOPST LEDICIA COSTAS 03n de achegarse a esta historia de amor, desamor, ciberamor e intriga, angustia ás veces e rabia outras. A historia de Isla comeza como moitas das historias personais que nos podemos atopar arredor de nós, unha mudanza de barrio, un adeus á vida de atrás, un novo insti… Cunha perspectiva de 17 anos e toda unha vida nun mesmo barrio dende logo, non é o mellor dos soños.

Se á novidade por desorientación engadimos a desorientación por ese conxunto de anomalías persoais provocadas polo amor e ademáis incluímos que o panorama do novo insti non é o mellor gracias a Marcos… Por sorte estaba Mar, “a súa mellor amiga. E tamén a súa salvadora. Desde que se trasladara cos seus pais a aquel lugar, fora a única que se molestara en entendela, en deterse  a contemplar o seu interior.” (11) Do resto, daredes mellor conta cada un·ha de vós abrindo o libro.POST LEDICIA COSTAS 01

POST LEDICIA COSTASESCARLATINALedicia Costas, que está a xirar sen parar presentando o seu último libro Escarlatina, a cociñeira defunta (Merlín,POST LEDICIA COSTAS 02 2014), tivo o detalle de achegarse ao #CLXQ+ hai xa unhas semanas. En realidade a súa visita foi virtual, pero a verdade é que puidemos desfrutar dela por medio de 150 caracteres grazas ao twitter das Bibliotecas Municipais, unha conversa que vedes reflexada  nas capturas de pantalla vos inserimos, mais tamén podedes ver a conversa completa pinchando aquí.

E  nestas datas de celebración do Día  Libro Infantil e Xuvenil, Romeo e Xulieta caeu nas nosas mans, e William Shakespear trouxo con él aos Capuleto e os Montesco para pasearen o seu paradigma de amor romántico polo #CLXQ+, e declamamos, e clamamos, ao amor e ao desamor, mais tamén a manter a cordura nun mundo que tolea por ideales de amor en lugar de desfrutar as realidades de cariño.

O #CLXQ+ despedíndose de @lediciacostas

O #CLXQ+ despedíndose de @lediciacostas

Enfiando o noso último título – Futuro Imperfecto, de Xulia Alonso, 2010 – invitámosvos a seguir atentxs ás redes sociais – Instagram, Fb, Twitter – e buscar o que se agocha tras do hastag #CLQX+.

Saúde!

Un club en tons cálidos.

Un fotocol  é unha maneira como outra calquera no noso tempo de amosar a nosa propia identidade, nun sentido máis amplo, é Fotocol do CLXQ+unha forma de amosarnos cara o mundo, de existir, como decía Hannah Arendt no seu libro La existencia humana. Esta forma de amosarno diante do espello que somos cada un-ha de nós permítenos sorrir, abrazar, ou amosar ledicia ao compartir tempo con quen queremos facendo unha determinada actividade. No noso fotocol facémolo, amosamos as nosas identidades como son, diversas, diferentes.

Mais non sempre é así, e o cómic El azul es un color cálido, de Julie Maroh, xa nolo amosou na súa historia e nos comentarios que xerou unha historia cun trasfondo que por tráxico parece inverosímil e por habitual case pode ser da vida cotiá. A LGTBfobia segue a xerar dramas personais, infernos do día a día que non permiten acadar a felicidade plena, e polo tanto, no #CLXQ+ decidimos sobrevoar as diferentes formas de achegarse a un tema que na idade das nosas clubeiras é tan importante que pode marcar unha vida. O dereito a ser visible, a definir a nosa propia identidade, sair de armarios diversos, rachar con etiquetas e estereotipos e autodeterminarnos coma persoas.

Así, como parte de dous ámbitos diferentes da mediación, as Bibliotecas Municipais como mediadores culturais e os Centros Quérote+ como mediadores sociais, tivemos onte unha sesión do noso Club de Lectura Xuvenil Quérote+ na que empregando material da FELGT e as historias de Carol e Guille, material da nosa propia experiencia e todas as ideas preconcebidas que sobra mencionar na sociedade, fixemos do noso espazo na biblioteca un  lugar libre de homofobia esperando que da análise dun cómic, cheguemos a un cambio no mundo real.

O CLXQ+ e Julie Maroh.

BLOG 03El azul es un color cálido, de Julie Maroh,  é unha obra que xa foi empregada no CLC (Club de lectura de cómic) das Bibliotecas Municipais para a sesión especial de As Municipais Entenden do pasado 2014 e que tamén foi reseñada no blog de cómic das Municpais (Fancomic).

Pouco se pode engadir ás mencións que xa fixeron xs compañeirxs sobre a obra, pero desta vez tratábase de poñer a lectura nos ollos, mans e voces dun público diferente, nin especialista en cómics, nin lectorxs da literatura canónica universal, e cun trasfondo tamén diferente aproveitando que a súa, é unha idade na que as transformacións e o tránsito é continuo, unha idade sen identidade, ou unha idade de identidades múltiples ás veces fluidas, ás veces interrumpidas por fragmentos do autocoñecemento que non chegan a ser entendidos por completo de primeiras.

Son eses os motivos que nos levaron a acompañarnos da obra da xoven Julie Maroh. Esta autora escribiu unha marea viva deBLOG 02 sentimentos enfrentados, que non deixan indiferente a ninguén e tampouco deixaron indiferentes ás asistentes á sesión do CLXQ+, que decidiron facer súas as voces dxs protagonistas da obra de Maroh e dramatizar coma se dun ensaio xeral para un book trailer se tratara, as partes que consideraban chave da historia.

Traballar o tema da homosexualidade é tarefa de todos nun contexto público e aberto á participación de quen é máis vulnerable á hora de sufrir bullying nos centros educativos ou reproducir comportamentos aprendidos que discriminan, firen e, en definitiva, supoñen ataques á liberdade persoal e ao libre desenvolvemento da persoa. Por todo eso, e empregando a figura de Julie Maroh – implicada no activismo LGTBq como autora lesbiana visible – na seguinte sesión falaremos das percepcións sobre a realidade que nos rodea e a tolerancia que percibimos ás diferentes formas de amar. Incluíndo una pequeña xoia en formato video destas artistas da interpretación…E faremos de cada cor, unha cor cálida.

BLOG 01Queredes ser parte de todo este proceso lector, analizador e crativo? Pois lembrade que admitimos aínda a todxs xs que queirades participar, só tedes que cumplimentar o formulario no noso blog premendo aquí e seredes parte dun proxecto que non só se reduce a ler, mais a crecer por dentro e por fora. Ambicioso? Sí. Imposible? Nunca!

Salud!

Cociñas na biblioteca de Ágora

Chega o xoves e temos unha cita co #CLXQ+, o novo club de lectura xuvenil na Biblioteca Ágora. Estamos lendo Kitchen, de Banana Yoshimoto, obra da que coñecimos as primeiras impresións na sesión anterior, animando á súa lectura ás novas incorporacións e tamén a quen non puido acudir.

Falando de cociñas no CLXQ+

Falando de cociñas no CLXQ+

Este intrigante relato fala da soidade, da perda, do amor,… fala da vida e de como Mikage e Yuichi chegan a atoparse e enfrontar xuntos as incertezas do porvir. Chama a atención de Laura unha afirmación de Mikage apenas no comezo da narración onde di “Só estamos a cociña e mais eu. Pero creo que é mellor que pensar que estou eu soa neste mundo”. Falamos pois da soidade e daquelas cousas que nos resultan reconfortantes neses intres de atoparse cun mesmo. Mikage reconfortábase observando o teito branco da cociña, ese lugar que lle facía sentir ben, e o que co tempo viu xurdir unha paixón ao carón dos fogóns.

No trascurso do relato escoitamos de novo a Mikage decir: ” Non había ninguén no mundo do meu mesmo sangue, e daquela podía ir a calquera lugar e facer calquera cousa. Era magnífico.” A nosa protagonista semella acaparar a nosa atención, mais a persoaxe de Eriko, a nai transexual de Yuichi, non pasa desapercibida. Ela é un grande apoio para os mozos, polo que a partir da súa perda terán que enfrontarse a uns sentimentos un tanto confusos. Será o destino? Será a soidade? Será o amor?

Ao son da música de Mamoko Kikuchi os nosos amigos van e veñen, sofren e acougan, ata atoparse de novo. Pero non foi ata unha noite na que dun arrebato Mikage comete unha desas loucuras que soamente se cometen cando se está namorado e declárase a Yuichi. Foi así como os protagonistas desta historia compartiron connosco as súas vivencias, coas que de seguro moitxs de nós nos sentimos identificadxs. Noelia di que en realidade é unha historia un pouco triste para seres de ficción, pero nada máis afastado da realidade, a tristeza tamén é unha emoción e a soidade un feito, cos que de cando en vez vémonos na obriga de lidar.

Así nos conta Iago a súa impresión sobre Kitchen despois da segunda sesión do CLXQ+, no que tamén aproveitamos para verfoto-la-vida-de-adele-12-629 algún dos video trailers que podedes atopar na rede sobre Kitchen e Banana Yoshimoto. Mais tamén compre decir que aproveitamos para comezar a repartir o seguinte libro que vamos ler no club, a ver se vos suxire algo a foto… Así que si queredes participar, lembrade que todavía vos podedes inscribir, tan só tedes que pulsar aquí e accederedes ao formulario!

Estreamos o CLXQ+!

Co novo ano e co comezo do curso escolar, onte deu comezo o CLXQ+ – Club de Lectura Xuvenil Quérote+ – na Biblioteca de Ágora, un club do que vimos falando durante os últimos meses do 2014 para ir preparando o su inicio e chamando por PORTADA KITCHENtoda a chavalada posible para anotarse. Coas prisas, de momento aínda somos 7, así que lembrade que si coñecedes alguén de 14 a 18 anos que lle guste a lectura e quera participar, so tedes que premer aquí e atoparedes o formulario para anotarvos.

Pero o tema importante de hoxe é falar da nosa primeira xuntanza. Unha xuntanza en familia para falar dun libro breve e especial, Kitchen, da xaponesa Banana Yoshimoto, unha obra que xa visitou os clubs de lectura de adultos das Bibliotecas Municipales e que neste caso víñanos de maravilla para darlle a saída a un club que nace coa idea de abordar temas de interese para a mocidade á que vai dirixida grazas á colaboración dos Centros Quérote+.

Precisamente como esta obra xa foi lida polxs asistentes aos clubs de lectura de adultxs e polo tanto xa tratada nun post previo; desta volta gustaríame centrarme no realmente abraiante dunha sesión que comezou coa confesión dun libro trabado polo can dunha das asistentes e que se artellou en base a comparacións do estilo lento e pausado de Yoshimoto en contraste ao fanfic de One Direction que Uxía estaba a disfrutar dende había días no seu teléfono móvil. Falamos de temáticas, de soidades descarnadas e amargas nadando entre as páxinas do relato de Yoshimoto, da simplicidade coa que Eriko resulta ser unha muller abraiante nas formas e enigmática pero familiar no fondo. Falamos de cociñas – limpas e suxas-, de tristezas endémicas por sorte non experimentadas por ningún-ha de nós e do sorprendente que resulta ler e ouvir as frases do libro en voz alta.

Non se pode pedir máis para unha primeira sesión de comparar opinións e falar de proxectos futuros, así que…atentxs, porque o CLXQ+ promete sorpresas!

UXÍA PROMO

O Club de Lectura Xuvenil Quérote+ quece motores…

Lembrades o #CLXQ+Club de Lectura Xuvenil Quérote+ ? Pois ben, mañá día 18 comezamos co reparto do primeiro PORTADA KITCHEN CLXQ+libro para a sesión do día 8 de Xaneiro, trátase de Kitchen, de Banana Yoshimoto, unha historia de soidades colectivas e encontros por azar entre personaxes coma nós, ás veces máis contentos, ás veces menos, pero sempre dispostxs a apostar polas cousas que merecen a pena ser vividas. Xa o temos esperando na estantería a que veñades recollelo a partir de mañá xoves.

Se aínda non vos apuntastes, todavía estades a tempo, quedan plazas e estamos agardando pola vosa presencia. Para facelo, só tedes que cubrir o formulario ao que chegaredes facendo clic aquí.

Se tedes entre 14 e 18 anos, achegádevos polo Club e compartide as vosas voces con nós!

O #CLXQ+ non descansa na ponte.

MARCAPÁXINAS CLXQ+ B copyNestes días festivos de axetreo atroz nas rúas, calor sofocante nos centros comerciales de hipnóticas luceciñas e músicas infames, choiva a rabiar non é mal momento para aproveitar e lembrar que o prazo para inscribirse no Club de Lectura Xuvenil Quérote+ leva aberto dende o luns pasado.

Tedes entre 14 e 18 anos e queredes participar dun grupo onde trascenderemos da ficción a realidade e do público ao persoal? Pois só tedes que premer aquí, cubrir o formulario para inscribirvos e estar atentxs ás datas chave de todo esto…a seguinte, a nosa sesión de presentación o día 18 de Decembro.

Avisadxs estades!

#CLXQ+ Aberto o prazo de inscrición!

Hai un par de semanas anunciamos o nacemento dun novo Club de Lectura nas Municipais, pois ben, o día  chegou para inscribirse e participar do Club de Lectura Xuvenil Quérote+ – de agora en diante #CLXQ+ . Se tes entre 14 e 18 anos, gústache a lectura, e queres formar parte dun grupo que aborda diferentes temas dende relacións saudables a sexualidade consciente, este o #CLXQ+ é o teu club.

CARTAZ CLUB LECTURA QUEROTE+ copy

Cubre este formulario e participa con nós!

De conformidade coa Lei Orgánica 15/1999 de 13 de decembro, de Protección de Datos de Carácter Persoal, infórmaselle que os seus datos persoais poderán ser inocorporados nun ficheiro do EXC. Concello da Coruña coa finalidade de ser xestionados polo Servizo Municipal de Bibliotecas. Os dereitos de acceso, rectificación, cancelación e posterior oposición relativos a este tratamento poderán exercerse a través do Rexistro Xeral do Concello da Coruña (Praza María Pita, 1) nos termos establecidos pola dita Lei.

Esperámoste na Biblioteca de Ágora!

#CLXQ+

Podería parecer polo título que acabo de premer aleatoriamente as teclas do pc, mais non é tal, en realidade o título deste post fai referencia a un novo parente na familia dos Clubs de Lectura das Bibliotecas Municipais da Coruña, neste caso parente directo do Clú da Biblioteca Infantil e Xuvenil. O Club de Lectura Xuvenil Quérote+ celebrarase na Biblioteca de Ágora a partir do 8 de Xaneiro e nace como un proxecto de colaboración cos centros Quérote+ – parte indispensable na escolla de títulos e preparación de sesións –  e dirixido a rapazada de 14 a 18 anos.

CARTAZ CLXQ+

Polo momento podedes ir consultando os títulos que foron seleccionados para o Club premendo sobra a imaxe do cartel aquí enriba. E para que esteades sobre aviso, aquí van unha serie de datas das que compre non se esquencer se estás interesadx en participar:

1 de Decembro: Comezo da inscripción a través dun formulario dixital neste mismo blog.

18 de Decembro: Sesión de presentación do Club na Biblioteca de Ágora ás 18:30. Ese día farase entrega do primeiro dos libros seleccionados para poder pasar un bo rato no Nadal desfrutando da narrativa de Banana Yoshimoto.

8 de Xaneiro: Primeira sesión do Club na que estaremos todxs para comenzar a abrir eses libros e deixar vivencias ceivas…

Próxima estación: 1 de Decembro, compañeirxs!

#CLXQ+

A cociña de Banana Yoshimoto

A cociña como elemento conciliador e de reunión serviunos como espazo metafórico literario no que reunirnos o pasado martes 2 de Xullo na Biblioteca de Ágora. Coma se for unha cociña na que tradicionalemente sentamos a compartir, reunirnos, á carón da lareira ou dukitchennha vitrocerámica, coa xente da que somos parte ou coa familia inventada. E neste caso a familia fomos nós, parte viva das Bibliotecas Municipais onde se unen experiencias e aprendizaxes, participantes dos diferentes Clubs de Lectura en marcha en Rosales, Monte Alto, Castrillón e Ágora.

A nosa intención con esta sesión especial non era outra que participar das actividades organizadas ao redor do Orgullo LGTBq 2013 baixo o lema #asMunicipaisEntenden. Para tal, organizamos unha reunión con toda a xente que participa nos diferentes Clubs de Lectura en marcha nas Municipais e convocámolos a unha sesión especial con sede na biblioteca de Ágora. Unha ocasión de celebrar a diversidade con diversidade de opinión, con diversidade de participación, e con diversidade de expresión.

A cociña nas súas diversas formas de ser entendida pode incluso considerarse o eixo vertebrador dunha novela como Kitchen, yoshimotosinxela, sin presuncións, coa profundidade de quen ve mais non termina de sentir porque o presente vaise polas maos sin poder collelo nunca, sen evitar vivir nun pasado permanente que nos permite analizalo mais non deletrear a palabra “agora” sin que ao facelo non sexa xa parte do antes e non do “xa”.  A cociña como espazo do fogar, como refuxio do corpo; a cociña como acto, como refuxio da mente.

A vida de Yuichi e Mikage, dous xóvenes xaponeses rodeados pola soidade e a morte, como eles mesmos din, repousa nunha quietude do deixarse levar polo cotiá. Eriko, a nai-pai de Yuichi, é unha presenza que fía as súas vidas cun espíritu positivo, e sin deixar entrever o por qué do seu cambio de sexo. A partir de ahí, Banana Yoshimoto constrúe un relato sin grandes artificios, sin grandilocuencias, un fluir de sentimentos que acompañan a uns personaxes que proxectan as súas soledades e crecen arredor dos seus propios duelos.

Mais quizais nesta sesión, o símil da cociña como punto de reunión é o que nos queda, unha reunión entre o diverso de nós mesmos, un achegamento entre todas as persoas que comparten o  gusto dal lecturas comentadas nas Bibliotecas Municipais, e un reflexo da normalidade coa que se vivimos o colectivo LGTBq na maioría, por sorte, dos casos.

Grazas a todos por vir!